مدارس آخر زمن !!!

مدارس آخر زمن !!!

في غرفة الجلوس في بيته جلس سعيد المهندس في إحدى الشركات الاستثمارية يقرأ الجريدة وزوجته مشغولة بوضع الصحون على مائدة الطعام عندما قال فجأة :

- لا حول ولا قوة إلا بالله حسبي الله ونعم والوكيل.

- إيه فيه إيه؟ ما لك؟

- تصوري مدرس بيضرب طالب في الفصل لحد ما موّته هو ده فصل دراسي وإلا قسم بوليس علشان الواحد ينضرب فيه لحد ما يموت؟.

- إنت بتتكلم جد؟ و ازاي سمحوا لمدرس مجنون بالشكل ده أنه يتوظف في التربية؟

- والله جايز يكون راح يتعين في الداخلية قاموا بعثوه بالغلط على التربية هو حد عارف!!!

- إنت كده وغوشتني ما يقوموا يعملوا في الولد ابننا حاجة إيه رأيك ننقله على مدرسة خاصة؟ مش أحسن برضه؟.

- والله مش عارف بس أنا عندي واحد صاحبي بيشتغل مدرس في مدرسة خاصة من ارقى المدارس حاكلمه واروح اشوف المدرسة اللي يشتغل فيها ولوكانت كويسة حانقل ابننا عليها ولو اني عارف ان مصاريفها حتكسر ظهري .

إتصل سعيد بصاحبه الذي رحب به وإتفق معه على أن يذهبا سوياً في الصباح التالي لزيارة المدرسة مر سعيد بسيارته على منزل صاحبه واصطحبه الى المدرسة التي يعمل فيها ولما وصلا رأى سعيد بناية في غاية الفخامة وكأنها قصر ملكي وتقف أمام البناية عشرات السيارت الفارهة من أغلى الأنواع .

قال سعيد لصديقه:

- ما شاء الله المدرسين هنا باين عليهم بيكسبوا فلوس كثيرة علشان يقدروا يشتروا عربيات من النوع ده.

ضحك صديقه وقال:

- مدرسين مين يا حبيبي دي عربيات التلاميذ.

- التلاميذ؟ معقول الكلام ده؟ ولما همه تلاميذ وبيركبوا عربيات بالشكل ده بكره لما يكبروا حيعملوا إيه؟

- ولا حاجة يصرفوا كام مليون على وحدة رقاصة أو مغنية وبعيدن يدفعوا لواحد كام مليون علشان يذبحها.

- قصدك مين؟

- ولا حد يا سيدي ما تاخدش على خاطرك.

دخل الاثنان على المدرسة فوجد التلاميذ وكأنهم في حفلة تنكرية قصات شعر غريبة ثياب أغرب وصدم سعيد وهو يرى أحد الفتيان يحتضن فتاة بشكل غير لائق.

قال سعيد لصديقه:

- إيه ده مدرسة دي والا كباريه؟

- هو انت لسه شفت حاجة؟ ياما في الجراب يا حاوي

- سبحان الله وبتشتغل في مدرسة زي دي ليه؟

- قال إيه اللي صبرك على المر قال الأمرّ منه.

- خلاص أنا مش عاوز ابني يجي على مدرسة من النوع ده.

- آه بس أنا خدت لك معاد مع المدير ولازم تشوفه أحسن تطلع في راسي أنا.

- طيب ياسيدي أمري لله.

دخل الاثنان على المدير بعد أن أعلنت السكرتيرة عن وجودهما وكأنها حاجب السلطان ورآه سعيد رجلاً متكبراً سلّما عليه وأشار إليهما بالجلوس وبدأ كلامه على الفور.

- شوف يا سيد سعيد أنا لولا إن أحد من زمايلانا طلب إن إبن حضرتك ينتقل هنا ما كناش رضينا أبداً احنا كل تلاميذنا من طبقة إجتماعية معينة ناس فوق فوق فاهمني حضرتك.

- فوق إزاي يعني؟ ساكنين فوق السطوح مثلاً؟

- بلاش هزار لو سمحت, أهم حاجة السرية حضرتك لازم تمضي على تعهد بأن ممنوع إفشاء أسرار المدرسة لأي حد لا صحافة ولا منطقة تعليمية ولا نواب ولا برلمان ولا حاجة.

- ليه؟ هي مدرسة والا قاعدة صواريخ سرية؟ انتو عندكم إيه علشان تخبوه؟

- ولا حاجة بس دول أولاد عيل يعني ابنك شاف ولد بيحشش مثلاً بنت حامل وده طبعاً مثلاً مش يقول أي حاجة لأي حد.

- ما شاء الله وإيه كمان؟

- والرسوم 20 ألف دولار سنوياً تدفع مقدماً ده غير التبرعات.

- تبرعات إيه؟ ولمين؟

- مثلاً عاوزين نبني مكتبة جديدة, صالة رياضية, عربية مرسيدس موديل السنة للمدير حاجات زي كده يعني.

- يا سلام! ده انتو مؤسسة خيرية بقى!!

- يعني بنعمل اللي نقدر عليه وربنا يوفقنا.

خرج سعيد وصديقه وقال له:

- شوف يا صديقي أنا أحسن عندي إن ابني بينضرب على إيد المدرسين اللي عاملين زي عساكر الداخلية في مدارس الحكومة على أنه ينتقل لمدرسة زي دي يا راجل ده محفل ماسوني مش مدرسة!! الواحد يدفع عشرين الف دولار بالسنة علشان اخلاق ابنه تفسد ؟ سبحان الله

هههههههههه

ردود <<<تقيييم

ههههههههههآآآآآي

حححححححححلووووه ........

مششكوره يآآ ععسسسل

موضوعكّ جوونآن؟!

ههههههههههههههههههههههههههههههههههههه
حلووووووووووووووووووووووووووووووووووووووووووووووووه
سبحان الله
خخخخخخخخخ

ههههههههههه شكرا عنوني انوار

ههههههههههه تسلمين حيااتي رموشااا

ههه
من جد مدارس آخر زمن

ايو والله جووج مدارس اخر زمن من عنواانه ...

» مدارس 2020
» عاادااات يووميه في مدارس البنات
» ماذا يصير في مدارس المتوسطه{بنات}
» مكافحة الغش في مدارس السودان بالله ادخلو وشوفو كيف
» [size=18]شوفوا الفرق بين مدارس البنات الاهليه والحكوميه [/size]